کوئٹہ(این این آئی)پاکستان ڈپلومہ انجینئرزفیڈریشن کے صوبائی جنرل سیکرٹری حاجی محمد ابراہیم زہری نے بابائے مزدور خیرمحمد فورمین کے انتقال پرگہرے رنج و غم اورافسوس کا اظہارکرتے ہوئے کہا ہے کہ بابائے مزدور خیرمحمد فورمین نے اپنی پوری زندگی میں مزدوروں کی خدمت کیلئے تاریخی جدوجہد کی ہے مرحوم کی مزدوروں کیلئے خدمات کو ہمیشہ سنہرے حروف میں یاد رکھا جائیگا۔ انہوں نے کہا کہ خیر محمد فورمین کی وفات سے مزدورتنظیموں میں ایک خلا پیدا ہوگیا ہے جو مدتوں تک پر نہیں ہوسکے گا۔ انہوں نے مرحوم کے اہل خانہ سے اظہارتعزیت کرتے ہوئے دعا کی کہ اللہ تعالیٰ مرحوم کو اپنے جواررحمت میں جگہ دے اورپسماندگان کو صبر جمیل عطا فرمائے۔
بابائے مزدور خیرمحمد فورمین کی مزدوروں کیلئے خدمات کو ہمیشہ سنہرے حروف میں یاد رکھا جائیگا،حاجی محمد ابراہیم زہری
