بلوچستان میں جیلوں کی بہتری کیلئے صوبائی حکومت نے اقدامات کا آغاز کردیا گیا

کوئٹہ(این این آئی)بلوچستان میں جیلوں کی بہتری کیلئے صوبائی حکومت نے اقدامات کا آغاز کردیا گیا، رواں مالی سال کے بجٹ میں ضلع لسبیلہ کی گڈانی جیل کی اپ گریڈیشن کیلئے ایک ارب روپے،پشین جیل کی تعمیر کیلئے 25کروڑ روپے اور ہرنائی میں جیل کیلئے 19کروڑ روپے مختص کردئیے گئے محکمہ جیل کے مطابق2025-26کے صوبائی بجٹ میں جیلوں میں بند قیدیوں کو خوراک کی فراہمی کیلئے مختص رقم میں تیس فیصد اضافہ کیا ہے جبکہ جدید حفاظتی آلات کی فراہمی کیلئے دو کروڑ روپے دئیے گئے ہیں محکمہ جیل کے حکام کے مطابق سوراب میں نئی جیل کی تعمیر کیلئے زمین حاصل کرلی گئی ہے،سوراب جیل کی تعمیر کیلئے فنڈز آئندہ مالی سال میں مختص کرنے کاا مکان ہے۔محکمہ جیل کے حکام نے بتایا کہ رواں سال کے بجٹ میں محکمہ جیل خانہ جات کے آفیسران کو گاڑیوں کی فراہمی کیلئے صوبائی حکومت سے سات کروڑ روپے مانگے تھے لیکن صوبائی حکومت نے اس رقم کی منظوری نہیں دی۔ دوسری جانب گوادر میں نئی جیل کی تعمیر کا منصوبہ بھی چاردیواری کی تعمیر سے آگے نہیں بڑھ سکا ہے۔