رکن بلوچستان اسمبلی آغا عمر جان احمدزئی نے سرمست آباد میں ریکارڈ ترقیاتی کام کروا کر علاقے کے عوام کے دل جیت لئے ہیں، ساجد بلوچ

کوئٹہ(این این آئی)سرمست بلوچ قومی اتحاد کے صوبائی رہنما ساجد بلوچ نے کہا ہے کہ رکن بلوچستان اسمبلی آغا عمر جان احمدزئی نے سرمست آباد میں ریکارڈ ترقیاتی کام کروا کر علاقے کے عوام کے دل جیت لئے ہیں۔ایک بیان میں انہوں نے کہا کہ آغا عمر جان احمدزئی نے علاقے میں بنیادی سہولتوں روڈ،نالی، ٹیوب ویل،سولر سسٹم فراہم کرکے علاقے کے عوام کی زندگی بدل دی ہے انہوں نے کہا کہ علاقے کے عوام رکن صوبائی اسمبلی آغا عمر احمدزئی کی خدمات کو قدرنگاہ سے دیکھتے ہیں موصوف پہلے عوامی نمائندے ہیں جنہوں نے سرمست آباد میں ترقیاتی کام کروائے ہیں ماضی میں سرمست آبادکو علاقے سے منتخب نمائندوں نے ہمیشہ نظرانداز کیا۔انہوں نے کہا کہ رکن اسمبلی آغا عمر جان احمدزئی حلقہ پی بی 46میں بلا تفریق ترقیاتی کام کروا رہے ہیں جس پر علاقے کے عوام انکے شکرگزار ہیں۔