نصیرآباد کے عوام کو بہتر سفری سہولیات کی فراہمی اولین ترجیح ہے، ایگزیکٹیو انجینئر روڈ نصیرآباد عبدالرحمن کاکڑ

چھتر(این این آئی)ایگزیکٹیو انجینئر روڈ نصیرآباد عبدالرحمن کاکڑ نے میڈیا سے گفتگو کرتے ہوئے کہا ہے کہ صوبائی وزراء کے فنڈز سے نصیرآباد میں مختلف سڑکوں کی تعمیراتی اسکیمیں جاری ہیں ترقیاتی منصوبوں کی بروقت تکمیل اور اعلیٰ معیار پر کسی طرح کا سمجھوتہ نہیں کیا جائے گا ترقیاتی کاموں کے ثمرات جلد عوام تک پہنچائیں گے نصیرآباد میں منصوبوں کی جلد تکمیل کے لیے کوشاں ہیں نصیرآباد کے عوام کو بہتر سفری سہولیات کی فراہمی اولین ترجیح ہے محکمہ مواصلات و تعمیرات نصیرآباد ترقیاتی منصوبوں کی جلد تکمیل کو ترجیح دیتا ہے زیر تعمیر سڑکوں کی تکمیل سے عوام کی مشکلات کا میں کافی حد تک کمی آئے گی غیر معیاری کام کرنے والوں کے لیے سخت کاروائی کی جائے گی صوبائی وزراء کی جانب سے منظور شدہ فنڈز عوام کی امانت ہے کسی قسم کی کوتاہی برداشت نہیں کی جائے گی انھوں نے کہاکہ زیر تعمیر سڑکوں کو پی سی ون کے مطابق مکمل کیا جائے گا تاکہ پائیدار اور مضبوط سڑکیں بنائی جاسکیں منصوبوں کو بروقت مکمل کروایا جائیگا۔