ایکسین ایریگیشن جنید کاکڑ کی قابلِ تحسین کارکردگی،ڈیرہ بگٹی میں ترقی کے نئے دور کا آغاز

ڈیرہ بگٹی (این این آئی)محکمہ ایریگیشن ڈیرہ بگٹی کے ایکسئین جنید کاکڑ نے اپنی بہترین کارکردگی، دیانت داری اور عوامی خدمت کے جذبے سے علاقے میں مثالی کام سر انجام دیے ہیں، جو نہ صرف مقامی لوگوں کے لیے فائدہ مند ثابت ہو رہے ہیں بلکہ ایک روشن مثال بھی بن چکے ہیں۔جنید کاکڑ نے تحصیل پیلا وغ میں نئے ڈیموں کی تعمیر کروا کر پانی کے دیرینہ مسئلے کا مؤثر حل نکالا۔ ان کی کاوشوں سے علاقے میں پانی کی فراہمی بہتر ہوئی ہے، جس سے زراعت کو فروغ اور عوام کو آسانی میسر آئی ہے۔ علاوہ ازیں، انہوں نے ڈیرہ بگٹی میں پرانے اور ناکارہ ڈیموں کی مرمت کروا کر انہیں فعال بنایا، جس سے سیلابی خطرات اور پانی کی قلت کا خاتمہ ہوا۔ایکسئین جنید کاکڑ نے نہ صرف فیلڈ میں کام کو بہتر بنایا بلکہ محکمہ ایریگیشن کے دفتر کی تزئین و آرائش بھی کروائی، آفس کو رنگ و روغن کروا کر ایک بہتر ماحول فراہم کیا۔ ان کی نگرانی میں تمام اسٹاف کو پابندِ حاضری کیا گیا اور ادارے میں نظم و ضبط کو فروغ ملا۔جنید کاکڑ ایک نوجوان، فعال اور عوام دوست افسر ہیں جو ہر وقت فیلڈ میں موجود رہتے ہیں اور اپنے فرائض ایمانداری سے سرانجام دے رہے ہیں۔ مقامی عوام نے ان کی کاوشوں کو سراہا ہے اور ان کے لیے نیک تمناؤں کا اظہار کیا ہے۔ڈیرہ بگٹی جیسے حساس علاقے میں اس قسم کی مثبت تبدیلیاں لانا ایک بڑا کارنامہ ہے، جو جنید کاکڑ جیسے فرض شناس افسران ہی انجام دے سکتے ہیں۔