منتخب نمائندوں کی کارکردگی مایوس کن ہے حالیہ بجٹ میں حامد بستی کے لئے ایک بھی اسکیم منظور نہ ہوسکی،علی بخش جمالی

بھاگ(این این آئی)یونین کونسل حامد بستی کے سماجی رہنما علی بخش جمالی نے کہا ہے کہ منتخب نمائندوں کی کارکردگی مایوس کن ہے حالیہ بجٹ میں حامد بستی کے لئے ایک بھی اسکیم منظور نہ ہوسکی عوام منتخب نمائندوں کارکردگی سے مایوس یو نین کونسل حامد بستی میں پکی سڑک پکی نالیاں سیوریج سسٹم کا نام و نشان نہیں لوگ نام سے نا واقف ہیں آج کے ترقی یافتہ دور میں بھی یونین کونسل حامد بستی کے عوام بنیادی سہولیات سے محروم ہیں ان خیالات کا صحافیوں سے گقتگو کرتے ہوئے کیا انہوں نے کہا کہ پسماندہ علاقے کے عوام پینے کے صاف پانی بجلی گیس صحت جیسی بنیادی سہولیات کے لئے ترس رہے ہیں یونین کونسل حامد بستی کو ہر دور میں نظر انداز کیا گیا علاقے میں صحت کی سہولتوں کا فقدان ہے معمولی سے مرض کیلئے کئی کلومیٹر دور جیکب آباد ڈیرہ مراد جمالی جانا پڑتا ہے گیس پایپ لائن مختصر فاصلے پر ہے لیکن بد قسمتی یہاں کی عوام اس سے بھی محروم ہیں انہوں نے کہا کچھی سے ایم پی اے ایم این اے کو ووٹ دیکر کامیاب کرایا وزیر بن کر علاقے کے عوام کو بھول گئے انہوں نے صوبائی حکومت کے حکام بالا سے مطالبہ کیا ہے کہ یونین کونسل حامد بستی کو ترقیاتی عمل میں شامل کیا جائے