بلوچستان کے تمام اداروں کے ملازمین کو ڈی آر اے الاؤنس دیا جائے، خان زمان

کوئٹہ (این این آئی)بلوچستان لیبر فیڈریشن کے صدر خان زمان چیئرمین حاجی بشیر احمد رند سیکرٹری جنرل قاسم خان کاکڑ،حاجی عبدالعزیز شاہوانی، عابد بٹ محمد عمر جتک، عارف خان نچاری دین محمد محمد حسنی ملک وحید کاسی ملک محمد حسین بنگلزئی ظفر خان رند،حبیب اللہ لانگو، سید منظور شاہ فضل محمد یوسفزئی، انجینئر نجیب اللہ مری اور دیگر رہنماؤں نے بلوچستان حکومت سے مطالبہ کیا ہے کہ فوری طور رپر بجٹ میں اعلان کردہ ڈی آر اے الاؤنس کا اعلان کردہ بیس فیصد فوری طور پر تنخواہوں میں شامل کیا جائے انہوں نے کہا کہ صوبائی حکومت کی جانب سے فی الحال دس فیصد بنیادی تنخواہ پر ایڈہاک الاؤنس کا نوٹیفکیشن کیا ہے جبکہ پنجاب سندھ اور خیبر پختونخواہ کی حکومتوں نے اپنے صوبوں میں ایک نوٹیفکیشن کے تحت اپنے بجٹ میں اعلان کردہ اضافی تنخواہ ایڈہاک ریلیف الاؤنس اور ڈی آرے تنخواہوں میں شامل کرنے کے احکامات جاری کردیئے ہیں، رہنماؤں نے کہا کہ حکمرانوں کو بلوچستان ہی تجربات کیلئے ملا ہے۔یہاں کے ملازمین کو اعلان کردہ مراعات کے حصول کیلئے سڑکوں پر نکلنا پڑتا ہے، انہوں نے مطالبہ کیا کہ بلوچستان حکومت دیگر صوبوں کی پیروی کرتے ہوئے 40 فیصد ڈی آر اے الاؤنس تمام اداروں اور اتھارٹیز کو فراہمی کا نوٹیفکیشن جاری کرے تاکہ ملازمین میں پائی جانیوالی بے چینی ختم ہوسکے۔بصورت دیگر بلوچستان لیبر فیڈریشن شدید احتجاج کی کال دے گی جس کی ذمہ داری حکومت اور محکمہ فنانس پر عائد ہوگی، انہوں نے مطالبہ کیا کہ تمام اداروں اور اتھارٹیز کے ملازمین کو ہر ماہ یکم تاریخ کو تنخواہوں اور پنشن فراہم کرنے کی پالیسی اپنائی جائے۔