بلوچستان کمیونٹی اسکولز ٹیچرزایسوسی ایشن کا اپنے جائز مطالبات کے حل کیلئے کوئٹہ پریس کلب کے سامنے احتجاجی کیمپ 54ویں روز بھی جاری رہا

کوئٹہ(این این آئی)بلوچستان کمیونٹی اسکولز ٹیچرزایسوسی ایشن کا اپنے جائز مطالبات کے حل کیلئے کوئٹہ پریس کلب کے سامنے احتجاجی کیمپ 54ویں روز بھی جاری رہا۔بلوچستان کمیونٹی اسکولز ٹیچرزایسوسی ایشن کے صدر امین اللہ خان میانی نے اساتذہ سے بات چیت کرتے ہوئے کہا کہ اساتذہ کا احتجاجی کیمپ جائز حقوق ملنے تک جاری رہے گا ہمارا مطالبہ ہے کہ کمیونٹی اساتذہ کو غلامی کی طرز ملازمت سے نجات دلاکر اساتذہ کو براہ راست بی ای ایف سے کنٹریکٹ دلایا جائے تاکہ تعلیمی ماحول میں بہتری آسکے اور کمیٹی ممبران کو بچوں کو اسکول لانے اور اسکول میں کمی بیشی پورا کرنے کے فرائض پر تعینات کیا جائے۔ انہوں نے کہا کہ کمیونٹی اساتذہ 18سال سے انتہائی قلیل تنخواہوں پر اپنے فرائض سرانجام دے رہے ہیں لہذا حکومت فوری طور پرکمیونٹی اساتذہ کی تنخواہوں میں اضافہ کرے۔