قدیمی سسٹم کے تحت پانی کی منصفانہ تقسیم کو یقینی بنایا جائے، عبدالستار رڈ

بھاگ(این این آئی)معروف قبائلی شخصیت حاجی عبدالستار رڈ نے جاری بیان میں زرعی پانی کی غیر منصفانہ پر تشویش کا اظہار کرتے ہوئے کہا ہے کہ زرعی پانی کی غیر منصفانہ تقسیم نے میرپورکو بنجر بنادیا ہے انہوں نے کہا کہ بالا ناڑی می غیر قانونی دروازے اور ڈیم کے باعث زیرینہ ناڑی خصوصاً میرپور کے عوام پانی کی بوند بوند کو ترس رہے ہیں ایک طرف پانی بغیر ضرورت کے بہہ رہا ہیدوسری جانب عوام پانی کی بوند بوند کیلئے ترس رہے ہیں ستم ظریفی یہ کہ قبائلی روایات کو پامال کرکے پانی کی تقسیم کے قدیمی سسٹم کو بھی پس پشت ڈال دیا گیا ہے ہر ایک نے من مانی سے گنڈاجات کو باندھنا شروع کردیا ہے جوکہ پندرہ بیس دنوں تک پانی روک کر ضائع کردیتے ہیں۔مگر میرپور علاقہ کے عوام کو پینے اور زمینیں سیرآب کرنے کیلئے پانی دینا گوارہ نہیں کرتے وزیر اعلی چیف سیکریٹری بلوچستان کمشنر نصیر آبادڈی سی کچھی سے استدعا کی ہے کہ قدیمی سسٹم کے تحت پانی کی منصفانہ تقسیم کو یقینی بنانے کیلئے اپنا کردار ادا کریں۔