پنجگور چتکان بازار میں ترقیاتی کاموں کا آغاز

پنجگور(این این آئی)پنجگور چتکان بازار میں ترقیاتی کاموں کا آغازکردیاگیا۔ تفصیلات کے مطابق پنجگور چتکان بازار کے مختلف مقامات پر انجمن تاجران کمیٹی کی گزارشات پر میونسپل کارپوریشن کے مئیر شکیل احمد قمبرانی کی خصوصی ہدایت پر ایکسی ویٹر مشین کے ذریعے لیولنگ کے کام کا باقاعدہ آغاز کر دیا گیا ہے۔ لیولنگ کے بعد جدید طرز کے ٹف ٹائلز بچھانے کا کام بھی شروع کیا جائے گا، جس سے بازار کی خوبصورتی اور عوام کو سہولت ملنے میں نمایاں بہتری آئے گی اس موقع پر انجمن تاجران کمیٹی کے صدر فرید احمد، کونسلر عبدالحی بلوچ، جنرل سیکریٹری قاہم الدین، لیبر سیکریٹری حاصل خان اور دیگر تاجر برادری کے رہنما موجود تھے، جنہوں نے جاری کام کا تفصیلی جائزہ لیامزید برآں، انجمن تاجران اور میونسپل کارپوریشن کی مشترکہ کاوشوں سے جلد ہی سبزی منڈی میں فائبر شیڈ کی تنصیب کا کام بھی شروع کیا جا رہا ہے، تاکہ تاجر برادری اور عوام دونوں کو سہولت میسر آ سکے۔