یونین کونسل جائین کی خالی آسامیوں پر غیر مقامی افراد کو بھرتی کرنے کی کوشش کو کامیاب نہیں ہونے دیا جائیگا،رسول جان اختر

پنجگور(این این آئی) یونین کونسل جائین پروم کے چیئرمین رسول جان اختر نے میڈیا سے گفتگو کرتے ہوئے کہا کہ یونین کونسل جائین کی خالی آسامیوں پر غیر مقامی افراد کو بھرتی کرنے کی کسی بھی کوشش کو کامیاب نہیں ہونے دیا جائے گا ہیلتھ اور ایجوکیشن کے زمہ داران مقامی افراد کو ترجیح دیں یونین کونسل جائین کے مکینوں کے ساتھ ناانصافی کی گئی تو اس پر بھر پور احتجاج کیا جائے گا انہوں نے کہا کہ حالیہ بھرتیوں میں بھی پروم کے عوام کے ساتھ زیادتیاں ہوئیں ایجوکیشن میں جائین سے باہر کے لوگوں کو لاکر مسلط کیاگیا اب ہیلتھ میں بھی مافیا جائین کی آسامیوں کو ہھتیانے کی کوششوں میں مصروف ہے چیرمین رسول جان نے کہا کہ پروم ویسے ہی ہر حوالے سے پسماندگی بے روزگاری کا شکار ہے تعلیمی ادارے برائے نام رہ گئے ہیں ہیلتھ کے معاملات بھی ٹھیک نہیں ہیں اس کی بڑی وجہ باہر سے بھرتیاں ہیں اگر یہ روش برقرار رہی تو نہ تعلیم ہوگا اور نہ ہی ہیلتھ کے ادارے فعال ہوسکیں گے انہوں نے خبردار کرتے ہوئے کہا کہ اگر جائین میں ہیلتھ کی پوسٹوں پر مقامیوں کو بھرتی نہیں کیا گیا تو اس پر احتجاج کرکے عدالتوں کے دروازے کھٹکھٹائیں گے۔