جنوبی پشتونخوا کے عوام کے معاشی قتل عام پر خاموش نہیں رہیں گے،پشتونخوا نیپ

لورالائی (این این آئی) پشتونخوا نیشنل عوامی پارٹی ضلع لورالائی کے ترجمان کے مطابق گزشتہ دو ماہ سے جب سے پشتون وطن میں زمینداری کا سیزن شروع ہؤا ہے دن کی روشنی میں عصر کے پانچ بجے کے بعد لورالائی میں ھر قسم کا ٹرانسپورٹ مصنوعی دہشتگردی کے آڑ میں بند کر کے ریاستی حکمران پشتون عوام کے معاشی قتلِ عام کے درپے لگے ہوئے ہیں جن کی ہر حال میں مزاحمت کرینگے۔اور آس کے خلاف پشتون عوام کو منظم اور آگاہی کے پروگرام شروع کرینگے۔پارٹی اپنے عوام اور کارکنوں کی طاقت سے اس ظلم اور دہشت کے خلاف بھرپور تحریک چلانے کے لیے کسی قربانی سے دریغ نہیں کریگی۔۔انہوں نے کہا کہ پشتونوں کو اللہ تعالیٰ نے جنت نظیر سرزمین اور اس میں کھربوں ڈالرز کے قدرتی وسائل سے مالامال کیا ہے استعماری ریاستکی ان معدنیات پر قبضے کی کے لیے غیر آئینی اور غیر قانونی مائنز آور منرلز بل کی آڑ میں اس قسم کی پشتون دشمن اقدامات کرکے قبضے کے لیے راہ ہموار کر رہے ہیں جس کی پارٹی کسی بھی صورت میں اجازت نہیں دیگی۔انہوں نے مزید کہا کہ بہت جلد لورالائی پارٹی کے اعلیٰ زمہ دار ادارے کا اجلاس طلب کر کے ٹرانسپورٹروں اور زمینداروں اور پشتون عوام کے معاشی قتلِ عام پر ایک پرامن احتجاجی مظاہرے کا اعلان کیا جائیگا اور اس کے بعد تحریک کو مزید وسعت دینے کے لیے دوسری جمہوری سیاسی پارٹیوں اور دیگر ٹرانسپورٹ،تاجران اور زمینداروں کے تنظیموں کا اجلاس طلب کر کے آئندہ کے لائحہ عمل طے کیا جائے گا۔انہوں نے پارٹی کارکنوں کو ہدایات جاری کی کہ اس مظاہرے اور تحریک کو کامیاب بنانے کیلئے عوامی سطح پر آگاہی مہم اور جہدوجہد ابھی سے شروع کریں اور بلآخر تحریک کو صوبائی اور ملکی سطح پر وسعت دی جائیگی۔