ڈام میں دعوتِ اسلامی کے تحت عظیم الشان کشتی ریلی، سمندر مرحبا یا مصطفی ﷺ کے نعروں سے گونج اٹھا

لسبیلہ(رپورٹ بیوروچیف حفیظ دانش)دعوت اسلامی کے تحت ڈام میں جشن عید میلادالنبی صلی اللہ علیہ وآلہ وسلم کے سلسلے میں عظیم الشان کشتی ریلی کھلے سمندر میں سرکار کی آمد مرحبا کی دھومیں مچاتی ہوئی نکالی گئی سمندر کی فضا مرحبا یامصطفی کے نعروں سے گونج اٹھا کشتی ریلی سے مبلغ دعوت اسلامی مولانا محمد عرفان عطاری نے خطاب کرتے ہوئے کہا کہ جشن میلاد کی خوشی درحقیقت تعظیم مصطفی ﷺ ہے اور اس کا حکم قرآن کریم میں بھی موجود ہے، چاند اور تارے سمیت کائنات کی ہر شے نبی رحمت ﷺ کے نور سے روشن ہیں، آپ ﷺ کی شان جیسی ہے، ویسی شان بیان کرنا کسی کے بس کی بات نہیں، جس طرح تعریف و توصیف کا حق ہے، کوئی بھی حضور ﷺ کی تعریف و توصیف ادا نہیں کرسکتا، اگر سرکار ﷺ کو اللہ پاک پیدا نہ فرماتا تو یہ آسمان بھی نہ ہوتے۔ جشن میلاد خوشی کا موقع ہے اور اس موقع پر روشنی کرنا لوگوں کا معمول رہا ہے،کسی چیز کا شریعت میں منع نہ ہونا خود دلیل جواز ہے، کوئی شخص یہ ثابت نہیں کرسکتا کہ جشن میلاد کی خوشی میں روشنی کرنا منع ہے۔ امیر اہل سنت نے کہا کہ جشن میلاد منانے کا طریقہ ہمیں علماء و صلحاء نے سکھایا ہے، لہٰذا اپنی عمارتوں، گھروں، گلی محلوں اور سڑکوں کو سجائیں اور ساتھ ہی اپنے دل کو بھی سجائیں، دل کی سجاوٹ توبہ کرکے اور سنتوں پر عمل کر نے ہوگی، نیک و صالح لوگ جس کام کو اچھا سمجھیں وہ اللہ پاک کے نزدیک بھی اچھا ہے، ایسا عمل مستحب کا درجہ رکھتا ہے، اگر اس میں ریاکاری یا دکھاوا نہ ہو اور یہ اللہ پاک کی رضا کیلئے ہو تو وہ عمل باعث ثواب ہے۔کشتی ریلی میں دعوت اسلامی کے زمہ داران ،علاقائی معززین،ماہیگیروں ،،شہریوں ،صحافی حضرات نے بڑی تعداد میں شرکت کی۔آخر میں صلاة وسلام اور دعا ہوئی