دالبندین (این این آئی) پاک ایران آر سی ڈی شاہراہ پر کرودک کے مقام پر مزدا اور زمبیاد گاڑیوں میں تصادم کے نتیجے میں چار مزدور شدید زخمی ہوگئے۔ذرائع کے مطابق مزدا میں سوار مزدور چارسر مائنز میں کام کرتے تھے۔ حادثے کے بعد زخمیوں کو فوری طور پر دالبندین کے پرنس فہد اسپتال منتقل کیا گیا، جہاں ابتدائی طبی امداد فراہم کرنے کے بعد انہیں بہتر علاج کے لیے کوئٹہ ریفر کردیا گیا۔زخمی مزدوروں کا تعلق کوئٹہ، ژوب اور مسلم باغ سے بتایا جاتا ہے۔
پاک ایران آر سی ڈی شاہراہ پر حادثہ، چار مزدور شدید زخمی
