کوئٹہ(این این آئی) جمعیت علماء اسلام کی رکن صوبائی اسمبلی شاہدہ رؤف نے بلوچستان اسمبلی کے اجلاس سے واک آؤٹ اور بائیکاٹ کیا۔ جمعہ کو بلوچستان اسمبلی کے اجلاس میں جمعیت علماء اسلام کی رکن شاہد رؤف نے بلوچستان میں دہشتگردی سے عوام پر مرتب ہونے والے نفسیاتی اثرات کی قرار داد کو ایجنڈا میں شامل نہ کرنے اور کوئٹہ کے پانی، بجلی سمیت دیگر اہم مسائل پر اسمبلی میں بحث نہ کروانے پر اجلاس سے احتجاجاً واک آؤٹ اور بعد میں بائیکاٹ کیا۔ اسپیکر نے صوبائی وزیر راحیلہ حمید درانی، ام کلثوم، فرح عظیم شاہ، سلمیٰ خان کو انہیں منانے کے لیے بھیجا تاہم شاہد رؤف اجلاس میں واپس نہ آئیں اور اسمبلی سے چلی گئیں۔
بلوچستان اسمبلی،جے یو آئی رکن اسمبلی شاہدہ رؤف کا اجلاس سے واک آؤٹ
