نواب ثناء اللہ خان زہری کا حاجی میر فیروز خان لہڑی کے انتقال پر اظہارِ افسوس

کوئٹہ(این این آئی)پاکستان پیپلزپارٹی کے مرکزی رہنما، سابق وزیر اعلیٰ بلوچستان اور چیف آف جھالاوان نواب ثناء اللہ خان زہری نے ممتاز قبائلی و سماجی شخصیت و ٹرانسپورٹر حاجی میر فیروز خان لہڑی کے انتقال پر گہرے دکھ اور افسوس کا اظہار کیا ہے چیف آف جھالاوان نواب ثناء اللہ زہری نے اپنے تعزیتی بیان میں کہا کہ حاجی میر فیروز خان ایک قبائلی و سماجی، نیک سیرت، مخلص اور خدمتِ خلق کا جذبہ رکھنے والی شخصیت تھے جنہوں نے اپنی پوری زندگی عوامی خدمت اور انسانی ہمدردی کے لیے وقف کر دی۔ انہوں نے کہا کہ مرحوم کی خدمات کو ہمیشہ یاد رکھا جائے گا اور ان کی وفات سے پیدا ہونے والا خلا مدتوں تک پْر نہیں ہو سکے گا انہوں نے مرحوم کے اہلِ خانہ سے دلی ہمدردی اور تعزیت کا اظہار کرتے ہوئے کہا، “ہم اس دکھ کی گھڑی میں ان کے ساتھ ہیں۔ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔