لورالائی (این این آئی) ڈپٹی انسپکٹر جنرل آف پولیس لورالائی رینج جنید احمد شیخ کے احکامات اور ایس ایس پی لورالائی احمد سلطان کی ہدایات پر ایس ڈی پی او کریم مندوخیل کی نگرانی میں تھانہ شہید محمد اشرف ترین سٹی لورالائی کے قائم مقام ایس ایچ او سب انسپکٹر محمد خان باتوزئی کی سربراہی میں اے ایس آئی شیرخان ناصر اور پولیس ٹیم نے کامیاب کارروائی کی۔کارروائی کے دوران ملزم جمیل ولد حاجی قربان ساکن موسخیل کو گرفتار کیا گیا، جس کے قبضے سے 07 عدد پسٹل، 950 کارتوس اور پسٹل کے خالی میگزینیں برآمد ہوئیں۔ پولیس کے مطابق ملزم کے خلاف بغیر لائسنس اسلحہ رکھنے پر بلوچستان آرمز ایکٹ کے تحت مقدمہ درج کرلیا گیا ہے جبکہ مزید تفتیش جاری ہے۔
پولیس کی کارروائی، 7 پسٹل، 950 کارتوس،خالی میگزین برآمد، ایک شخص گرفتار
