کوئٹہ (این این آئی) ہزارہ ڈیموکریٹک پارٹی کے مرکزی بیان میں جمعہ 12 ستمبر کو صبح 10 بجے جنرل (ر) محمد موسی خان پوسٹ گریجویٹ کالج کے ہال میں ورکرز کنونشن اور نومنتخب حلقہ و بنیادی کونسلوں کے عہدیداروں کی تقریب حلف برداری میں پارٹی قیادت، عہدیداران و زمہ داران سمیت تمام کارکنوں کو بھرپور شرکت کرنے کی تاکید کرتے ہوئے کہا کہ کارکنان، زمہ داران کنونشن کے سیشن میں سوال و جواب کرنے کے ساتھ پارٹی کی تعمیری پیش رفت کیلئے تجاویز بھی دے سکتے ہیں بیان میں کہا گیا کہ ورکرز کنونشن پارٹی کی جمہوری کلچر کا حصہ ہے جس میں قیادت اپنے آپ کو احتساب کیلئے کارکنوں کے سامنے پیش کرکے ان سے پارٹی پالیسیوں اور سیاسی عمل میں حصہ داری کے متعلق تجاویز و رائے لیتے ہیں یہ کلچر صرف ایچ ڈی پی کی قیادت اور کارکنوں کے حصے میں آئی ہے جو پارٹی کیلئے باعث فخر اور اعلی اعزاز کی بات ہے۰ بیان میں کہا گیا کہ کارکن بڑی تعداد میں شامل ہوکر اس کنونشن کی کامیابی میں کردار ادا کریں۔
ورکرز کنونشن پارٹی کے جمہوری کلچر کا حصہ،قیادت خود کو احتساب پیش،پارٹی پالیسیوں،سیاسی عمل میں حصہ داری بارے تجاویز لیتی ہے،ہزارہ ڈیموکریٹک پارٹی
