76 سالوں سے بلوچستان کے ساحل وسائل کو لوٹا،عوام کے بنیادی حقوق کو پامال کیا جارہا ہے،میرنذیراحمد بلوچ

پنجگور(این این آئی) بلوچستان نیشنل پارٹی اور نیشنل پارٹی کی مرکزی کال پنجگور میں احتجاجی مظاہرہ کیا گیا احتجاجی مظاہرہ نیشنل پارٹی اور بلوچستان نیشنل پارٹی کے ضلعی دفاتر سے نکالا گیا جس کی قیادت بی این پی کے مرکزی جوائنٹ سیکرٹری میر نذیر احمد بلوچ نیشنل پارٹی کے ضلعی صدر حاجی محمد ایوب بلوچ صوبائی رہنما آصف مجید بی این پی کے ضلعی صدر حاجی عبد الغفار شمبے زئی حق دو تحریک کے آرگنائزر ملا فرہاد اسلم مینگل اور دیگر نے کی احتجاجی مظاہرہ پنجگور بازار کے مختلف گلیوں سے ہوتے ہوئے بسم اللہ چوک پر جلسے کی شکل میں تبدیل ہوگیا اس دوران بی این پی کے رہنما میر نذیر احمد بلوچ نیشنل پارٹی کے حاجی محمد ایوب بلوچ آصف مجید حاجی عبد الغفار شمبے زئی ملا فرہاد محمد اسلم مینگل اور دیگر نے خطاب کرتے ہوئے کہا کہ بلوچستان میں پر امن احتجاج کو طاقت کے ذریعے کچلنے کی کوشش کررہا ہے کوئیٹہ میں پر امن جلسہ پر خود کش دھماکہ اور پھر اجتجاج کرنے والے ورکرز پر فائرنگ شیلنگ اور گرفتاریاں کی گئیں انہوں نے کہا کہ بلوچستان میں لاپتہ افراد کے مسلہ کو حل کرنے کی ضرورت ہے ریاست نے پارٹیوں کو تقسیم در تقسیم کردیا ہے ظلم و جبر کے خلاف اب ہم ایک ساتھ ہوگئے ہیں انہوں نے کہا کہ بارڈر کی بندش کی وجہ سے کاروباری حضرات متاثر ہیں علاقے میں روز گار کا واحد ذریعہ بارڈر ہے مگر اس کو بھی بند کر دیا گیا انہوں نے کہا کہ سردار اختر مینگل جب بات کرتاہے تو اسے غدار اور دہشت گرد قرار دیا جاتا ہے بارڈر پر شناختی کارڈ تحویل میں لے ر تنگ کیا جارہا ہے ٓج دونوں جھنڈوں کا ایک ساتھ احتجاج کرنا خوش آئندہے انہوں نے کہا کہ 76 سالوں سے بلوچستان کے ساحل وسائل کو لوٹا جارہا ہے بلوچستان کے بنیادی حقوق کو پامال کیا جارہا ہے انہوں نے کہا کہ آج بلوچ کے بقا کا مسئلہ ہے قوم بقا کی جنگ لڑ رہا ہے انہوں نے کہا کہ جمہوری جہدوجہد کے راستے بند کرنے کے لئے جلسوں پر خود کش دھماکہ ہورہے ہیں بی این پی اور نیشنل پارٹی کا مشترکہ جہدوجہد وقت کی ضرورت ہے۔