ترقیاتی منصوبوں میں ناقص معیار، ضلعی انتظامیہ کا کام عارضی طور معطل کرنے کا فیصلہ

صحبت پور(نامہ نگار) ضلع صحبت پور میں جاری ترقیاتی منصوبوں کے معائنے کے سلسلے میں، ڈپٹی کمشنر صحبت پور فریدہ ترین کی خصوصی ہدایت پر اسسٹنٹ کمشنر صحبت پور سیف الدین کھوسہ نے سردار نور محمد خان روڈ پر جاری ترقیاتی کام کا موقع پر پہنچ کر تفصیلی معائنہ کیا۔ معائنے کے دوران ابتدائی جائزے کی روشنی میں ترقیاتی کام میں معیار کی کمی اور دیگر نقائص پائے گئے، جس پر ضلعی انتظامیہ نے فوری ایکشن لیتے ہوئے، مذکورہ ترقیاتی سرگرمیوں کو عارضی طور پر معطل کر دیا ہے۔ یہ معطلی اس وقت تک برقرار رہے گی جب تک تمام کام مقررہ سرکاری ضوابط، تکنیکی معیارات اور اصولوں کے مطابق مکمل نہ کر لئے جائیں۔ ڈپٹی کمشنر صحبت پور فریدہ ترین نے اس موقع پر اپنے بیان میں کہا کہ عوامی مفاد، شفافیت اور کام کا معیار ضلعی انتظامیہ کی اولین ترجیحات میں شامل ہیں۔ کسی بھی ترقیاتی منصوبے میں غفلت، لاپرواہی یا غیر معیاری کام ہرگز برداشت نہیں کیا جائے گا۔ متعلقہ ذمہ داران کے خلاف قانونی کارروائی عمل میں لائی جائے گی