مشیر بابا غلام رسول عمرانی حلقے کے عوام کے مسائل ترجیحی بنیادوں پرحل کررہے ہیں،میرممتاز خان عمرانی

چھتر (این این آئی) صوبائی مشیر برائے محکمہ لیبر اینڈ مین پاور، سردار بابا غلام رسول عمرانی کی قیادت میں بلوچستان کے نوجوانوں کے لیے روزگار کے مواقع پیدا کرنے اور حلقہ انتخاب میں درپیش عوامی مسائل کے پائیدار حل کے لیے مؤثر اور عملی اقدامات جاری ہیں اس بات کا اظہار ممتاز سیاسی و سماجی معروف قبائلی شخصیت سخی میر ممتاز خان عمرانی نے ایک عوامی ملاقات کے دوران کیا ان کا کہنا تھا کہ سردار بابا غلام رسول عمرانی نہ صرف ایک مدبر اور بصیرت رکھنے والے سیاستدان ہیں بلکہ وہ اپنے حلقے کے عوام کے ساتھ مخلصی کے ساتھ کھڑے ہیں اْن کی قیادت میں محکمہ لیبر اینڈ مین پاور نے نوجوانوں کے لیے مختلف فنی تربیتی پروگرامز، انٹرن شپ اسکیمز، اور بھرتیوں کے نئے دروازے کھول دیے ہیں سخی میر ممتاز خان عمرانی نے مزید کہا کہ حلقے کے بنیادی مسائل جیسے کہ پینے کے صاف پانی کی فراہمی، بجلی کے مسائل صحت اور تعلیم کے شعبے میں بہتری، سڑکوں کی تعمیر و مرمت، اور دیگر بنیادی سہولیات کی فراہمی کو اولین ترجیح دی جا رہی ہے انہوں نے کہا کہ سردار بابا غلام رسول عمرانی نے ایک عوامی نمائندے ہونے کا حق ادا کیا ہے اور ان کی قیادت میں حلقہ تیزی سے ترقی کی راہ پر گامزن ہے عوام کا اعتماد ان کے ساتھ ہے اور انشاء اللہ آئندہ آنے والا وقت ترقی، خوشحالی اور انصاف کا ہوگا عوامی حلقوں نے بھی صوبائی مشیر کی کوششوں کو سراہتے ہوئے امید ظاہر کی ہے کہ ترقیاتی منصوبے تسلسل کے ساتھ جاری رہیں گے اور بلوچستان کا یہ علاقہ ایک ماڈل حلقے کی شکل اختیار کرے گا۔