نوحصار کوئٹہ جیو سکیم پارک حادثات کا مرکز بن گیا

کوئٹہ (این این آئی) جمعیت علماء اسلام اغبرگ یونٹ کے امیر سرپرست مولانا عزیز اللہ عبدالرحمن امیر مولانا عبد البصیر نائب امیر مولانا عبد الحی مولوی عطاء الرحمن مولوی محمد اسلم مولوی ممتاز احمد ناظم عمومی حافظ محمد اکرم ڈپٹی سیکرٹری مولوی حمید الرحمان مفتی محمد اجمل حاجی عبد الصمد عبدالواسع آغا مالیات مولوی عبد البصیر حاجی منظور احمدحاجی عتیق اللہ حاجی نور الدین مولوی محمد امین اطلاعات محمد اقبال محمد یوسف حافظ اسد اللہ مولوی عطاء اللہ آغا مولوی اختر محمد سالارمحمد اجمل مولوی جلال الدین مولوی محب اللہ مولوی عطاء الرحمن حافظ عبد الحکیم مولوی سیف الاسلام نے اپنے مشترکہ بیان میں کہا کہ نوحصار کوئٹہ جیو اسکیم پارک حادثات کا مرکز بن گیا، نوجوانوں کی ون ویلنگ سے عوام خوفزدہ کوئٹہ کے نواحی علاقے نوحصار کلی عبدالزئی میں واقع جیو اسکیم پارک عوامی تفریح کی بجائے حادثات کا مرکز بن گیا ہے۔ اہلِ علاقہ کے مطابق پارک میں روزانہ درجنوں نوجوان موٹرسائیکلوں پر نہ صرف تیز رفتاری کرتے ہیں بلکہ خطرناک ون ویلنگ جیسے کھیل میں بھی ملوث ہیں، جس کے باعث آئے روز حادثات پیش آ رہے ہیں انہوں نے کہا کہ علاقہ مکینوں کا کہنا ہے کہ متعدد نوجوان شدید زخمی ہو چکے ہیں، جبکہ پارک میں آنے والے بچے اور خواتین بھی خوف کے سائے میں ہیں۔ صورتحال مزید سنگین اس لیے ہے کہ یہ وہی مرکزی سڑک ہے جو علاقے کو کوئٹہ شہر سے ملاتی ہے۔ اس شاہراہ پر نہ صرف اہلِ علاقہ بلکہ دور دراز سے آنے والے مسافر بھی گزرتے ہیں، جو اکثر ان حادثات کی زد میں آ جاتے ہیں انہوں نے کہا کہ حادثات کی وجہ سے لوگ سخت پریشانی اور خوف و ہراس کا شکار ہیں اور شام کے بعد پارک کے قریب آنا بھی خطرناک سمجھا جاتا ہے انہوں کہا کہ علاقہ نے ضلعی انتظامیہ اور ٹریفک پولیس سے مطالبہ کیا کہ پارک کو وقتی طور پر بند کیا جائے انہوں نے مزید کہا کہپارک اور مرکزی روڈ پرموٹرسائیکل کے داخلے پر پابندی لگائی جائے ون ویلنگ اور تیز رفتاری کے خلاف فوری کارروائی کی جائیاور ٹریفک پولیس کو مستقل نگرانی پر مامور کیا جائے علاقہ مکینوں نے خبردار کیا ہے کہ اگر انتظامیہ نے بروقت اقدامات نہ کیے تو کسی بھی وقت کوئی بڑا سانحہ پیش آ سکتا ہے۔