سینیٹرمولانا عبدالواسع کی زیرصدارت سیاسی جماعتوں کا مشاورتی اجلاس

کوئٹہ (این این آئی) عوامی نیشنل پارٹی کے صوبائی صدر اصغر خان اچکزئی کی رہائش گاہ خان ہاؤس کوئٹہ میں جمعیت علمائے اسلام کے صوبائی امیر سنیٹرمولانا عبد الواسع کی صدارت میں ایک مشاورتی اجلاس منعقد ہوا اجلاس میں پشتون خوا ملی عوامی پارٹی کے صوبائی صدر عبدالقہار خان ودان جے یو آئی کے رہنما و سابق صوبائی وزیر حاجی نواز خان کاکڑ اے این پی کے صوبائی صدر اصغر خان اچکزئی، صوبائی جنرل سیکرٹری مابت کاکا اور مرکزی سیکرٹری طلبا رشید خان ناصر نے شرکت کی اجلاس میں صوبے کی مجموعی سیاسی صورت حال بالخصوص ضلع چمن اور ضلع قلعہ عبداللہ کی موجودہ صورتحال پر تفصیل سے غور و خوض کیا گیا اجلاس میں فیصلہ کیا گیا کہ سوموار 29 ستمبر کو دوپہر 12 بجے چمن پریس کلب باچا خان ہال میں ایک اہم پریس کانفرنس منعقد کی جائے گی اس پریس کانفرنس سے 24 ستمبر کو شہداء ہاؤس مردہ کاریز چمن میں منعقدہ آل پارٹیز قومی جرگہ میں شریک تمام سیاسی جماعتوں اور مختلف مکاتب فکر سے تعلق رکھنے والے رہنما خطاب کریں گیاجلاس کے شرکاء نے چمن کے تمام صحافیوں سے پریس کانفرنس کی بھرپور اور مؤثر کوریج کی اپیل کی۔