پنجگور(این این آئی)مسلم لیگ ن ضلع پنجگور کی سینئر باڈی کا اجلاس، پارٹی فعالیت اور بارڈر کھولنے پر زورمسلم لیگ (ن)ضلع پنجگور کی سینئر باڈی کا اجلاس ضلعی صدر یاسر بلوچ کی صدارت میں ضلع آفس پنجگور میں منعقد ہوا۔ اجلاس میں مکران ڈویژن کے صدر اشرف ساگر بلوچ مہمان خصوصی کے طور پر شریک ہوئے اجلاس کا ایجنڈا دو اہم موضوعات پر مشتمل تھا: پارٹی کی فعالیت اور بارڈر بندش۔ اجلاس سے خطاب کرتے ہوئے اشرف ساگر بلوچ، سینئر نائب صدر محمد صدیق حسن جان، قاضی رضا علی اور رستم علی نے پارٹی کی سرگرمیوں کو تیز کرنے اور یونٹ سازی کا عمل جلد از جلد شروع کرنے پر زور دیا۔اجلاس میں بارڈر کی بندش کو عوامی مسائل میں بڑی رکاوٹ قرار دیتے ہوئے، فوری طور پر بارڈر کھولنے کا مطالبہ کیا گیا تاکہ علاقے کے لوگوں کی روزمرہ زندگی متاثر نہ ہواجلاس میں مسلم لیگ ن کے سینئر رہنماؤں پل جان ادیب صدیق ساسولی خدا رحیم وزیر احمد اور دیگر نے شرکت کی اور پارٹی کی مضبوطی اور علاقے کی ترقی کے لئے یکجہتی کا مظاہرہ کیا۔
حکومت عوامی مشکلات کے پیش نظر بارڈر کھولنے کے احکامات جاری کرے،اشرف سالگر
