کوئٹہ،ایف سی ہیڈکوارٹر پر خود کش حملے کی سی سی ٹی وی فوٹیج سامنے آگئی

کوئٹہ(این این آئی) کوئٹہ میں ایف سی ہیڈکوارٹر پر خود کش حملے کی سی سی ٹی وی فوٹیج سامنے آگئی۔سی سی ٹی وی فوٹیج میں دیکھا جاسکتا ہے کہ ایک سوزوکی گاڑی اچانک ایف سی ہیڈکوارٹر کے دروازے کی جانب مڑتی ہے اسکے بعد زوردار دھماکہ ہوا اور آگے کے شعبے اور دھوں اور مٹی اڑتی نظر آتی ہے۔سیکورٹی فورسز کے ذرائع نے بتایا کہ دہشت گردوں نے دھماکہ خیزمواد سے بھری گاڑی ایف سی ہیڈکوارٹر کے دروازے کے ساتھ ٹکرانے کے بعد دہشت گردوں نے ایف سی ہیڈکوارٹر میں داخل ہونے کی کوشش کی تاہم ایف سی اہلکاروں نے بروقت کارروائی کرتے ہوئے دہشت گردوں کو نشانہ بناکر ہلاک کردیا اورانکی یہ کوشش ناکام بنادی گئی۔