میڈیا معاشرے کی آنکھ اور کان، جس کی بدولت انتظامیہ کو نہ صرف خامیوں کا علم ہوتا ہے،ڈپٹی کمشنر کچھی

بولان(این این آئی)ڈپٹی کمشنر کچھی کیپٹن(ر)جمعہ داد خان مندوخیل سے ڈھاڈر پریس کلب کے صحافیوں کے ایک نمائندہ وفد نے محمد عارف بنگلزئی کی قیادت میں ان کے دفتر میں ملاقات کی وفد میں عبدالحئی گولہ، غلام فاروق جتوئی، سمیع اللہ جلبانی شامل تھے ملاقات میں صحافیوں کو درپیش مسائل، پریس کلب ڈھاڈر کو درکار وسائل سمیت عوامی و علاقائی مسائل پر تبادلہ خیال کیا گیا اس موقع پر اسسٹنٹ کمشنر ڈھاڈر قاضی پرویز احمد و دیگر بھی موجود تھے ڈپٹی کمشنر کچھی کیپٹن ریٹائرڈ جمعہ داد خان مندوخیل نے صحافیوں سے گفتگو کرتے ہوئے کہا کہ میڈیا معاشرے کی آنکھ اور کان ہے، جس کی بدولت انتظامیہ کو نہ صرف خامیوں کا علم ہوتا ہے بلکہ پوشیدہ مسائل کا بھی ادراک ممکن ہوتا ہے جن پر نوٹس لیکر بہتری کے لیے اقدامات بھی کیے جاتے ہیں انہوں نے یقین دہانی کرائی کہ صحافیوں کو درپیش مسائل ترجیحی بنیادوں پر حل کیے جائیں گے اور ضلعی انتظامیہ صحافیوں کے ساتھ ہر ممکن تعاون جاری رکھے گی صحافتی اصولوں کو مدنظر رکھتے ہوئے غیر جانبدرانہ رپورٹنگ کو قدر کی نگاہ سے دیکھا جائیگا صحافی معاشرے میں سدھار کیلئے قلم اٹھائیں تو ہم بھی انہیں سپورٹ کرینگے تاکہ مسائل حل ہوں انہوں نے کہا کہ صحافت ایک مقدس پیشہ ہے، جس کے ذریعے معاشرتی اصلاح اور مثبت سوچ کو فروغ دیا جا سکتا ہے انتظامیہ اور صحافی برادری کے درمیان قریبی روابط عوامی خدمت کی راہ ہموار کرتے ہیں جن سے مسائل کے حل میں مدد ملتی ہے.