ابرار احمد دلہنیا گھر لے آئے،تیاری کی تصویر بھی وائرل

لاہور(این این آئی)قومی کرکٹ ٹیم کے نوجوان اسپنر ابرار احمد گزشتہ روز اپنی دلہنیا گھر لے آئے۔ابرار احمد کی تیاری کی ایک تصویر بھی سامنے آئی جبکہ مختلف سوشل میڈیا پلیٹ فارمز پر 27 سالہ کھلاڑی کی بارات لے جاتے اور شادی ہال پہنچنے کی ویڈیوز سامنے آئی ہیں۔اس کے علاوہ مختلف سوشل میڈیا پلیٹ فارمز پر کھلاڑی کی چند تصاویر بھی سامنے آئی ہیں۔اس موقع پر ابرار احمد اپنے دوستوں کے ہمراہ خوشگوار انداز میں دکھائی دئیے جبکہ ایک تصویر میں بارات لے جانے سے قبل وہ سیلون میں تیار ہوتے بھی دکھائی دے رہے ہیں۔خیال رہے کہ ابرار احمد گزشتہ روز کراچی میں رشتہ ازدواج میں منسلک ہوگئے جبکہ ان کا ولیمہ 6 اکتوبر کو ہوگا۔