تربت یونیورسٹی کے فیکلٹی ممبر ڈاکٹر راشد علی کا تحقیقی مقالہ بین الاقوامی کانفرنس میں بہترین مقالہ قرار

تربت (این این آئی) چوتھی بین الاقوامی کانفرنس برائے ہیومن سینٹرک اسمارٹ کمپیوٹنگ ]ICHCSC 2025[میں یونیورسٹی آف تربت کے شعبہ کمپیوٹر سائنس کیفکلٹی ممبراور ایکٹنگ چیئرپرسن ڈاکٹر راشد علی کی جانب سے پیش کردہ تحقیقی مقالے کوبہترین کانفرنس مقالہ اور بہترین سیشن مقالہ ایوارڈز سے نوازا گیا۔ یہ کانفرنس 10 اور 11 اکتوبر 2025 کو آن لائن منعقد ہواتھا۔ایوارڈ یافتہ تحقیقی مقالے کا عنوان “Integrated Particle Filter Approach for Enhanced Indoor Robot Localization Using Multi-Sensor Fusion” تھا۔ اس مقالے کے مرکزی مصنف ڈاکٹر راشدعلی ہیں جبکہ شریک مصنفین میں ویتنام کی ڈوئی ٹان یونیورسٹی کے ڈاکٹر آنند نییئر، برطانیہ کی یونیورسٹی آف گریٹر مانچسٹر کے ڈاکٹر سیلسٹین ایونڈی اور چین کی ڑی جیانگ یونیورسٹی کے ڈاکٹر الحسن علی خان شامل ہیں۔یونیورسٹی ترجمان کے مطابق ڈاکٹر راشد علی کا یہ تحقیقی مقالہ اس حقیقت کو اجاگر کرتی ہے کہ تربت یونیورسٹی کے فیکلٹی ممبران تحقیق کے میدان میں بین الاقوامی سطح پر نہ صرف سوشل سائنسز، نیچرل اینڈ بیسک سائنسز میں بلکہ انفارمیشن ٹیکنالوجی اور مصنوعی ذہانت ]اے آئی [کے میدان میں بھی نمایاں کارکردگی کا مظاہرہ کررہے ہیں۔ یونیورسٹی ترجمان کے مطابق عالمی سطح پر ڈاکٹر راشد کی یہ کامیابی اس بات کا ثبوت ہے کہ تربت یونیورسٹی کو عالمی سطح پر انفارمیشن ٹیکنالوجی، مصنوعی ذہانت، روبوٹکس اور سینسر پر مبنی لوکلائزیشن ریسرچ جیسے جدید تحقیقی شعبوں میں نمایاں مقام اور پہچان ملا ہے۔یونیورسٹی آف تربت کے وائس چانسلر پروفیسرڈاکٹرگل حسن، فیکلٹی ممبران اور انتظامی عملے نے ڈاکٹر راشد علی کو اس شاندار کامیابی پر دل کی گہرائیوں سے مبارکباد پیش کرتے ہوئے امید ظاہر کی ہے کہ جدید ٹیکنالوجی کے میدان میں تیزی سے ترقی کرتے ہوئے تربت یونیورسٹی جلد عالمی سطح پر اے آئی کے میدان میں اپنی شناخت بنائے گی۔