وقار یونس نے میرا کیریئر تباہ کیا، برداشت نہیں تھا کہ نیا بچہ گاڑی لے کر آرہا ہے، عمر اکمل

لاہور(این این آئی)پاکستان کے کرکٹر عمر اکمل کا کہنا ہے کہ وقار یونس نے میرا کیریئر خراب کیا انہیں برداشت نہیں تھا کہ کل کا بچہ نئی گاڑی لے کر آرہا ہے۔نجی ٹی وی سے گفتگو کرتے ہوئے کرکٹر عمر اکمل نے کہا کہ اللہ نے مجھے دیا ہے تو میں اپنے اور گھر والے کے شوق پورے کررہا ہوں تو اس میں کون سی بری بات ہے، یہ میں نہیں کہہ رہا میرے ساتھ جتنے بھی کرکٹرز کھیلے ہیں رانا نوید الحسن بھی یہی کہیں گے۔انہوں نے کہا کہ وقار یونس نے مجھے پرفارمنس پر باہر نہیں نکالا، جب میں کوئی نئی گاڑی لے رہا اور اچھے کپڑے پہن رہا ہو تو کہتے کہ تیرے پاس اتنے پیسے آگئے ہیں۔عمر اکمل نے کہا کہ پہلے اتنی چیزیں نہیں لے سکتے تھے لیکن جب اللہ تعالیٰ نے دیا ہے تو کیوں کہ اپنے اوپر لگاؤں۔کرکٹر نے کہا کہ بطور سینئر کرکٹر ان کی عزت کرتا ہوں لیکن بطور کوچ ان کی عزت نہیں کروں گا، 2016 کا ورلڈ کپ کھیلنے گئے تو لیٹر اور فائلیں بنا کر کرکٹ بورڈ کو دے دیں اور کہا کہ انہیں نکال دوں ٹیم صحیح ہوجائے گی۔انہوں نے کہا کہ میں نے پاکستان کے لیے جتنی لیگز کی آفر چھوڑی ہیں وہ کوئی نہیں چھوڑتا، میری پہلی ترجیح آج بھی پاکستان سے کھیلنا ہے۔