زہری میں نامعلوم افراد کا ڈسٹرکٹ چیئرمین خضدار حاجی صلاح الدین زہری کے گھر پردستی بموں سے حملہ

خضدار(این این آئی) زہری میں نامعلوم افراد کا پیپلز پارٹی کے رہنما و ڈسٹرکٹ چیئرمین خضدار حاجی صلاح الدین زہری کے گھر پردستی بموں سے حملہ کیا گیا تاہم کوئی جانی نقصان نہیں ہوا۔ تفصیلات کے مطابق گزشتہ شب نامعلوم افراد نے زہری چشمہ میں نواب ثناء اللہ خان زہری کے نمائندہ خاص و پیپلزپارٹی کے رہنماء، ڈسٹرکٹ چیئرمین خضدار حاجی صلاح الدین زہری کی گھر پر دستی بموں سے حملہ کیا اور شدید فائرنگ کی تاہم خوش قسمتی سے کوئی جانی نقصان نہیں ہوا۔ جس وقت حملہ کیا گیا اسوقت ڈسٹرکٹ چیئرمین حاجی صلاح الدین زہری گھر پر موجود نہیں تھے۔