وفاقی محتسب کے احکامات پر شکایت گزار کو بے نظیر کفالت پروگرام کی دو قسطوں کے پیسے ادا کردیئے گئے

کوئٹہ (این این آئی)وفاقی محتسب کے احکامات پر شکایت گزار کو بے نظیر کفالت پروگرام کی دو قسطوں کے پیسے دلوا دیئے گئے۔شکایت گزار خاتون نے کہا کہ ایک غریب گھرانے سے ہوں،پچھلے دو ماہ سے مجھے بے نظیر کفالت پروگرام کے پیسے نہیں دیے جا رہے تھے۔انہوں نے میڈیا کے توسط سے وفاقی محتسب کو پیغام بھیجا کہ انہیں بے نظیر کفالت پروگرام کے پیسے دلوا دیں۔پیغام وفاقی محتسب کوئٹہ تک جیسے ہی پہنچا بروقت انکوائری کا آغاز کیا گیا اور متعلقہ محکمے کو طلب کر کے کیس کی فوری سماعت شروع کر دی۔متعلقہ محکمہ کوئی تسلی بخش جواب نہ دے سکا۔لہذا وفاقی محتسب نے احکامات جاری کیے کہ شکایت گزار خاتون کو پچھلی دو قسطوں کی دقم جلد از جلد ادا کی جائیں۔احکامات موصول ہوتے ہی شکایت گزار خاتون کو پچھلی دو قسطوں کی رقم 20,000 روپے دے دیئے گئے۔اس بروقت اور منصفانہ فیصلے پر شکایت گزار خاتون نے وفاقی محتسب کا بے حد شکریہ ادا کیا۔