خیبرپختونخوا کے مختلف اضلاع میں شدید بارشوں کاامکان

پشاور(این این آئی)خیبرپختونخوا کے مختلف اضلاع میں شدید بارشوں کاامکان ہے،خیبرپختونخوا کے شہروں پشاور، چارسدہ، نوشہرہ، کوہاٹ، سوات، چترال، ڈی آئی خان، بنوں اور مردان میں اربن فلڈنگ اور دریائے کابل و سوات میں پانی کے بہاؤ میں اضافہ متوقع ہے۔محکمہ موسمیات کے مطابق بارشوں کاسلسلہ پانچ جولائی تک جاری رہنے کاامکا ن ہے،محکمہ موسمیات کے مطابق ایبٹ آباد، مانسہرہ، ہری پور، بالاکوٹ، مری، گلیات میں موسلادھار بارش متوقع ہے جس کے باعث لینڈ سلائیڈنگ اور ندی نالوں میں طغیانی کا خدشہ ہے۔ پشاور، چارسدہ، نوشہرہ، کوہاٹ، سوات، چترال، ڈی آئی خان، بنوں اور مردان میں اربن فلڈنگ اور دریائے کابل و سوات میں پانی کے بہاؤ میں اضافہ متوقع ہے۔