واشک میں کانفرنس ہال کا کام آخری مراحل میں داخل ہو چکا،ڈپٹی کمشنر واشک عبدالجمید

واشک(این این آئی)ڈپٹی کمشنر واشک عبدالمجید سرپرہ نے ایم پی اے و خادمِ واشک حاجی میر زابد علی ریکی کو ڈپٹی کمشنر آفس میں زیر تعمیر کانفرنس ہال کا دورہ کروایا۔ یہ کانفرنس ہال وزیر اعلیٰ بلوچستان میر سرفراز بگٹی کی خصوصی دلچسپی اور ہدایت پر تعمیر کیا جا رہا ہے، جس کے لیے ایک کروڑ روپے کی خطیر رقم فرنیچر اور ہال کی تعمیر کے لیے بھی فراہم کی گئی تھی۔اس موقع پر محکمہ بی اینڈ آر ضلع واشک کے ایکسئین بلڈنگ صغیر احمد نوشیروانی نے ایم پی اے حاجی میر زابد علی ریکی، ڈپٹی کمشنر اور دیگر آفیسران کو کانفرنس ہال کی تعمیر، معیار، ڈیزائن اور فنڈز کے استعمال کے حوالے سے تفصیلی بریفنگ دی۔ انہوں نے بتایا کہ کانفرنس ہال کا کام تیزی سے مکمل کیا جا رہا ہے اور اب یہ منصوبہ آخری مراحل میں داخل ہو چکا ہے۔ڈپٹی کمشنر واشک عبدالمجید سرپرہ نے ایم پی اے و خادم واشک کو حاجی میر ذابد علی ریکی و دیگر شرکاء کو بتایا کہ جلد ہی کانفرس ہال کی تعمیر مکمل ہوگی اور آئندہ ضلعی سطح کے تمام سرکاری اجلاس کانفرنس ہال میں منعقد کیے جائیں گے، جو کہ واشک جیسے پسماندہ ضلع کے لیے ایک اہم سنگ میل ثابت ہو گا کسی بھی سرکاری ایونٹس و اجلاسوں کے جائے انعقاد کے لیئے کوئی دشواری نہیں ہو گی۔اس موقع پر ایف سی 128 ونگ کے کرنل ناصر علی، ایس پی واشک گل احمد سرپرہ اور دیگر ضلعی افسران بھی ہمراہ تھے۔ شرکاء نے ہال کے تعمیراتی معیار اور تیز رفتاری سے جاری کام کو سراہا اور اْمید ظاہر کی کہ یہ منصوبہ ضلعی انتظامیہ اور عوام کے لیے ایک فائدہ مند ہو گی۔