اڑھائی ارب کی لاگت سے بننے والے پل کا کام ادھوارا

جھل مگسی (این این آئی) گنداواہ گنداواہ نوتال روڈ پر واقع قبولہ پل شدید خستہ حالی کا شکار ہو چکا ہے، جس کے باعث کسی بھی وقت بڑے حادثے کا خدشہ پیدا ہوگیا ہے۔تفصیلات کے مطابق اڑھائی ارب روپے کی لاگت سے منظور شدہ گنداواہ نوتال روڈ اور قبولہ پل کی تعمیرات کو 2022 کے سیلاب کا بہانہ بنا کر محکمہ بی اینڈ آر اور ٹھیکیدار نے ادھورا چھوڑ دیا۔ پل کی خراب حالت مسافروں اور عام شہریوں کے لیے خطرناک صورتحال اختیار کر چکی ہے۔شہریوں کا کہنا ہے کہ یہ پل مرکزی راستہ ہے جہاں سے روزانہ ہزاروں افراد آمدورفت کرتے ہیں، لہٰذا اس کی فوری مرمت نہایت ضروری ہے۔ عوام نے وزیراعلیٰ بلوچستان، صوبائی وزیر بی اینڈ آر میر سلیم خان کھوسہ، چیف سیکرٹری، کمشنر نصیرآباد، ضلعی انتظامیہ اور نوابزادہ طارق خان مگسی سے مطالبہ کیا ہے کہ وہ فوری نوٹس لیتے ہوئے پل کی مرمت کا کام شروع کروائیں۔ بصورت دیگر کسی بھی وقت بڑے حادثات رونما ہوسکتے ہیں۔