ولیس ڈیپارٹمنٹ کا بنیادی مقصد معاشرے سے جرائم کا خاتمہ، امن و امان کا قیام اور عوام کے جان و مال کا تحفظ ہے ڈی آئی جی لورالائی رینج، جنید احمد شیخ

لورالائی (این این آئی) ڈی آئی جی لورالائی رینج جنید احمد شیخ نے کہا ہے کہ پولیس ڈیپارٹمنٹ کا بنیادی مقصد جرائم کا خاتمہ، امن و امان کا قیام اور عوام کا تحفظ ہے۔ چند عناصر کی وجہ سے پولیس فورس کی ساکھ متاثر ہو رہی ہے، جس کا سدباب ہماری اولین ترجیح ہے۔ ایسے بدعنوان عناصر کے خلاف سخت محکمانہ کارروائیاں عمل میں لائی جا رہی ہیں تاکہ فورس کو شفاف، مؤثر اور عوام دوست بنایا جا سکے انہوں نے حالیہ کارروائی کے دوران مختلف لورالائی رینج کے مختلف افسران کو بدعنوانی، نااہلی اور غفلت کے الزامات پر معطل کر دیے ہیں اور ان کے خلاف باقاعدہ انکوائری کا آغاز کر دیا گیا ہے۔ دوسری جانب ایس ایچ او تھانہ اشرف شہید کو اْن کی عمدہ کارکردگی پر تعریفی سند سے نوازا گیا ہے۔ڈی آئی جی نے تمام پولیس افسران کو ہدایت کی ہے کہ اگر کسی کو بھی غیر قانونی سرگرمیوں میں ملوث پایا گیا تو اْس کے خلاف بلا تفریق سخت ترین محکمانہ اور قانونی کارروائی کی جائے گی۔ کسی بھی تھانے کی حدود میں منشیات فروشی یا دیگر جرائم کی شکایت پر متعلقہ ایس ایچ او کو ذمہ دار ٹھہرایا جائے گا۔پو لیس کا فرض ہے کہ معاشرتی برائیوں کا خاتمہ کرے، مفرور ملزمان، اشتہاریوں، اور چوری و ڈکیتی میں ملوث افراد کی کیخلاف بلا خوف کاروائیاں کریں ں ر کوئی مظلوم شہری تھانے میں فریاد لے کر آئے تو اْس کی شکایت کو ترجیحی بنیادوں پر حل کیا جائے۔ تفتیش شفاف، غیر جانبدارانہ اور انصاف پر مبنی ہونی چاہیے۔ کسی شہری کے ساتھ ناروا سلوک یا زیادتی ناقابلِ برداشت ہوگی تمام ایس ایچ اوز اور تفتیشی افسران عوامی مسائل کو بلا تعصب اور بلا لالچ حل کریں، کیونکہ عوامی اعتماد ہی پولیس کی اصل طاقت ہے۔ میرا دفتر عوامی خدمت کے لیے ہمہ وقت کھلا ہیآخر میں، ڈی آئی جی نے لورالائی رینج کے تمام ایس پی صاحبان کو ہدایت دی کہ وہ تھانوں اور دفاتر کی مؤثر نگرانی اور انسپکشن کا عمل تیز کریں، اور اگر کہیں اختیارات کے ناجائز استعمال، رشوت یا بدعنوانی کے شواہد ملیں تو متعلقہ افسر کے خلاف سخت کارروائی عمل میں لائیں۔ اْنہوں نے اس بات کا اعادہ کیا کہ محکمہ پولیس کو کرپشن سے پاک کرنا وقت کی اہم ضرورت ہے اور اسی مقصد کے حصول کے لیے ہم سب کو مل کر کام کرنا ہوگا تاکہ پولیس اور عوام کے درمیان اعتماد کی فضا کو فروغ دیا جا سکے۔