صحافیوں کے تحفظ کے لیے قائم کمیشن کے چیئرمین سے سینٹر فار پیس اینڈ ڈولپمنٹ انیشیئیٹو کے وفد کی ملاقات

کراچی (این این آئی)سینٹر فار پیس اینڈ ڈولپمنٹ انیشئیٹو (سی پی ڈی آئی)کے چار رکنی وفد نے صحافیوں کے تحفظ کے لیے قائم کمیشن, سندھ کمیشن فار دی پروٹیکشن آف جرنلسٹس اینڈ ادر میڈیا پریکٹیشنرس (ایس سی پی جے ایم پی)کے چیئرمین اعجاز احمد میمن سے ملاقات کی.۔ملاقات میں سی پی ڈی آئی کے وفد میں صوبائی کوآرڈینیٹر عاطف علی کے ساتھ عبداللہ سولنگی, عبدالرحمان اور اسمہ زاہد شامل تھیں, جبکہ کمیشن کے سعید میمن بھی شریک تھے.۔ملاقات میں دونوں اداروں کے مابین صحافیوں کے تحفظ, پروفیشنل ٹریننگس اور لائف انشورس سمیت دیگر امور پر تبادلہ خیال کیا گیا. اس دوراں سی پی ڈی آئی کے پراونشل کوآرڈینیٹر عاطف علی نے کمیشن کے چیئرمین کو اپنے ادارے کی طرف سے خواتین صحافیوں کو درپیش مسائل اور انکے حل کے عنوان سے کرائی تحقیقی رپورٹ بھی پیش کی۔