پنجگور آل بلوچستان سندھ بس کوچز یونین کے رہنما آغا شاہ حسین کا ٹریفک حادثے میں جاں بحق ہونے والے افراد کے اہل خانہ سے تعزیت

پنجگور (این این آئی) پنجگور آل بلوچستان سندھ بس کوچز یونین کے رہنما آغا شاہ حسین نے سرادک سی پیک روڑ پر المناک ٹریفک حادثہ میں شہید ہونے والے افراد کے ورثا سے دلی تعزیت کرتے ہوئے شہدا کے درجات کی بلندی کے لیے دعا کی آغا شاہ حسین نے کہا کہ موت برحق ہے ہر جاندار کو موت آنی ہے اللہ تعالی کے فیصلوں کے آگے ہر شے بے بس ہے انہوں نے کہا کہ اس حادثے میں دونوں طرف سے قیمیتی جانوں کا نقصان ہوا جو یقننا بڑا سانحہ ہے جس نے پورے پنجگور کی فضا کو سوگوار بنادیا ہے اس سانحہ میں جو لوگ شہید ہوئے یہ ان ورثاوں کے لیے بڑا غم ہے اللہ پاک شہدا کے ورثا کو صبر کی توفیق عطا فرمائے انہوں نے کہا کہ آل سندھ بلوچستان کوچز یونین اور پاکستان پیپلزپارٹی کی طرف سے اس المناک سانحہ میں گزرنے والے شہداء کے ورثا سے دلی تعزیت اور ہمدردی کا اظہار کرتے ہیں اور یہ غم صرف ان خاندانوں کا نہیں ہے جنکے بچے اس میں شہید ہوئے بلکہ ہم سب اس گھڑی میں متاثرہ فیلمیز کے ساتھ غمزدہ ہیں اللہ پاک شہداء کے درجات کو بلند کرے