بی اے پی کے بانی سعید ہاشمی کی پارٹی کے نومنتخب مرکزی اور صوبائی عہدیداروں کو مبارکباد

کوئٹہ(این این آئی)بلوچستان عوامی پارٹی کے بانی و سینیٹر سعیداحمد ہاشمی نے بلوچستان عوامی پارٹی کے انٹراپارٹی انتخابات میں نوابزادہ خالد مگسی کو مسلسل دوسریباعر صدر اور منظورکاکڑ کو جنرل سیکرٹری اور سردار محمد صالح بھوتانی کودوسری بارصوبائی صدر اوردیگر عہدیداروں کو منتخب ہونے پر مبارکباد دیتے ہوئے کہا ہے کہ پارٹی نے ان پر جس اعتماد کا اظہار کیا ہے وہ اس پر پورا اترنے کی ہرممکن کوشش کریں گی۔یہاں جاری ہونے والے ایک بیان میں سینیٹر سعید احمد ہاشمی نے کہا کہ بلوچستان عوامی پارٹی کے انٹراپارٹی انتخابات ایک احسن اقدام ہے جس سے پارٹی کے کونسلرز کو اپنی مرضی کی قیادت کے انتخاب کا موقع ملتا ہے۔ انہوں نے کہ بلوچستان عوامی پارٹی کے انٹرا پارٹی انتخابات میں پارٹی کے مرکزی اور صوبائی عہدیداروں کو مبارکباد دیتے ہوئے امید ظاہر کی ہے کہ بی اے پی کے نومنتخب عہدیداران بلوچستان عوامی پارٹی کو صوبے میں فعال اور منظم بنانے کیلئے اپنی تمام صلاحیتیں بروئے کار لائیں گے اور پارٹی نے ان پر جن اعتماد کا اظہارکیا ہے وہ اس پر پورا اتریں گی۔ انہوں نے کہا کہ بلوچستان عوامی پارٹی نے اپنے قیام سے لیکر آج تک صوبے کے عوام کے حقوق کیلئے ہر فورم پر آواز بلند کی ہے اورپارٹی انشاء اللہ آئندہ بھی اپنی آوازبلند کرتی رہے گی۔