وفاقی محتسب کے حکم پر درخواست گزار نیک محمد کو گیس کے بل میں 378000 روپے کا ریلیف فراہم کروا دیا

کوئٹہ(این این آئی)وفاقی محتسب کے حکم پر درخواست گزار نیک محمد کو گیس کے بل میں 378000 روپے کا ریلیف فراہم کروا دیا گیا۔درخواست گزار نیک محمد نے بتایا کہ ان کو SSGCL کی جانب سے غیر معمولی بل موصول ہوا۔انہوں نے بتایا کہ وہ ایک غریب خاندان سے تعلق رکھتے ہیں اور ان میں اتنی سکت نہیں کہ وہ یہ غیر معمولی بل جمع کروا سکے جو کہ سراسر متعلقہ محکمے کی سے ناانصافی ہے۔لہذا، انہوں نے بل کی درستگی کے لیے متعلقہ دفتر کے چکر کاٹے لیکن سب بے سود ان کی کوئی شنوائی نہ ہو سکی۔لہذا مجبور ہو کر انہوں نے وفاقی محتسب کوئٹہ سے رجوع کیا۔اور متعلقہ محکمے کی عدم توجہی اور تاخیر کے خلاف درخواست جمع کروائی۔درخواست موصول ہوتے ہی وفاقی محتسب نے متعلقہ محکمے کو طلب کر کے کیس کی بروقت سماعت شروع کی۔سماعت کے دوران متعلقہ محکمہ کوئی تسلی بخش جواب نہ دے سکا۔لہذا وفاقی محتسب نے احکامات جاری کیے کہ درخواست گزار کے بل کی درستگی جلد کی جائے۔احکامات موصول ہوتے ہی متعلقہ محکمے نے درخواست گزار کے بل کی درستگی کر دی جس سے درخواست گزار کو گیس بل میں 378000 روپے کا ریلیف فراہم ہوا۔اس بروقت اور منصفانہ فیصلے پر درخواست گزار نے وفاقی محتسب کا شکریہ ادا کیا۔