ڈیرہ مرادجمالی(این این آئی) نصیرآباد میں تخریب کاری کی بڑی کوشش پولیس اور قانون نافذ کرنے والے اداروں نے ہائی ٹرانسمیشن لائن کے کھمبوں پر نصب دو بم ناکارہ بنا دئیے جبکہ دو بم پھٹنے سے کھمبوں کو جزوہ نقصان پہنچا۔ پولیس کے مطابق چھتر روڈ کے قریب اوچ پاور پلانٹ سے گڈو گرڈ اسٹیشن جانے والی 220 کے وی ہائی ٹرانسمیشن لائن کے کھمبوں کے ساتھ نامعلوم دہشتگردوں نے دھماکہ خیز مواد نصب کررکھا تھا جس میں 2بم پھٹ گئے جس سے کھمبوں کو جزوی نقصان پہنچا جبکہ بم ڈسپوزل کے عملے نے 2کھمبوں کے ساتھ نصب5کلو گرام وزنی دھماکہ خیز مواد ناکارہ بناکر قبضے میں لے لیاپولیس نے نامعلوم افراد کے خلاف مقدمہ درج کرکے مزید کارروائی شروع کردی۔
نصیرآباد،بجلی کھمبوں کیساتھ نصب 2بم دھماکے سے پھٹ گئے،2بموں کو ناکارہ بنادیا گیا
