لسبیلہ: نیشنل بینک بیلہ میں سسٹم کی خرابی شہریوں کے لیے وبال جان بن گئی

لسبیلہ(بیوروچیف) نیشنل بینک بیلہ برانچ آئے روز سسٹم کی خرابی کا شکار ہو رہا ہے، خاص طور پر ہر ماہ کی پہلی تاریخ کو سسٹم بیٹھ جانے سے دور دراز علاقوں سے آنے والے صارفین اور خصوصاً بزرگ شہریوں کو شدید مشکلات کا سامنا ہے۔ شہری لمبی قطاروں میں گھنٹوں کھڑے رہنے پر مجبور ہو جاتے ہیں مگر رقم نہ ملنے پر مایوس واپس لوٹ جاتے ہیں۔عوامی حلقوں نے نیشنل بینک کے اعلیٰ حکام اور متعلقہ حکامِ بالا سے پرزور مطالبہ کیا ہے کہ وہ اس مسئلے کا فوری نوٹس لیں اور بینک کے نظام کو بہتر بنا کر صارفین کی مشکلات کا ازالہ کریں تاکہ عوام کو ماہانہ بنیادوں پر درپیش اس اذیت سے نجات مل سکے۔