کمشنر نصیرآباد کا زیر تعمیر بلیک ٹاپ روڈ کوٹ ارسلان تا پرکانی پل ربیع ٹو کا تفصیلی دورہ

چھتر(این این آئی)کمشنر نصیرآباد ڈویژن صلاح الدین نورزئی نے ایگزیکٹیو انجینئر روڈز عبدالرحمن کاکڑ کے ہمراہ زیر تعمیر بلیک ٹاپ روڈ کوٹ ارسلان تا پرکانی پل ربیع ٹو کا تفصیلی دورہ کیا اس موقع ایس ڈی او نادر علی پنھور بھی موجود تھے کمشنر نصیرآباد ڈویژن نے مختلف تعمیراتی منصوبوں کا معائنہ کرتے ہوئے کام کے معیار اور رفتار کا باریک بینی سے جائزہ لیا کمشنر نصیرآباد ڈویژن صلاح الدین نورزئی نے محکمہ مواصلات و تعمیرات نصیرآباد کو ہدایت کی کہ ترقیاتی منصوبوں کی بروقت اور معیاری تکمیل کو ہر صورت یقینی بنایا جائے تاکہ عوام کو بہتر سفری سہولیات میسر آ سکیں انہوں نے کہا کہ حکومت عوامی فلاح و بہبود کے منصوبوں پر خطیر رقوم خرچ کر رہی ہے، لہٰذا کسی قسم کی غفلت یا کوتاہی برداشت نہیں کی جائے گی ایکسین روڈز نصیرآباد عبدالرحمن کاکڑ نے کمشنر ڈویڑن صلاح الدین نورزئی کو منصوبوں کی پیش رفت پر بریفنگ دیتے ہوئے بتایا کہ بلیک ٹاپ روڈ کوٹ ارسلان سمیت دیگر علاقوں میں سڑکوں کی تعمیر تیزی سے جاری ہے اور جلد ہی عوام کو سہولت میسر آ جائے گا کمشنر نصیرآباد ڈویژن صلاح الدین نورزئی کہا کہ ترقیاتی منصوبوں کی تکمیل سے علاقے میں خوشحالی اور ترقی کے نئے دور کا آغاز ہوگا۔