امان اللہ کنرانی ایڈووکیٹ نے چیف کمشنر پاکستان بوائز سکاوٹس ایسوسی ایشن کا عہدہ سنبھال کر کام شروع کردیا

کوئٹہ(این این آئی)پاکستان بوائز سکاؤٹس ایسوسی ایشن کے چیف کمشنر سرفراز قمر ڈاھا کی دو سالہ میعاد پوری ہونے کے بعد قاعدہ نمبر 28(3)پالیسی آف رولز مجریہ 1993 ترمیمی قواعد 2013 کے تحت پاکستان بوائز سکاوٹس ایسوسی ایشن کے نیشنل سیکرٹری پروفیسر جاوید نے اختر انٹر نیشنل کمشنر پاکستان بوائز سکاوٹس ایسوسی ایشن امان اللہ کنرانی کا بطور چیف کمشنر پاکستان بوائز سکاوٹس ایسوسی ایشن کا جمعہ کو باقاعدہ نوٹیفکیشن جاری کردیا ہے جس کے تحت امان اللہ کنرانی ایڈوکیٹ سپریم کورٹ اور سابق صدر سپریم کورٹ بار ایسوسی ایشن پاکستان نے اپنی تقرری کا نوٹیفکیشن نیشنل سیکرٹری پی بی ایس اے سے وصول کرنے کے بعد چارج سنبھال کر کام شروع کردیا ہے اور شام کو نیشنل ہیڈ کوارٹر کا جائزہ لیا متعلقہ دفتری اہل کاروں کو ہدایات دیں۔