کوئٹہ ( این این آئی) نیشنل پارٹی کے صوبائی صدر اسلم بلوچ اور صوبائی جنرل سیکریٹری ایڈووکیٹ چنگیز حئی بلوچ نے آج پارٹی کے رجسٹریشن آفس کا تفصیلی دورہ کیا۔ اس موقع پر رجسٹریشن آرگنائزر و رکن مرکزی کمیٹی حاجی عبدالصمد بلوچ اور صوبائی یوتھ سیکریٹری محمود رند نے پارٹی کی ممبرشپ سے متعلق جامع بریفنگ دی۔ انہوں نے ممبرشپ کے موجودہ اعداد و شمار، طریقہ کار اور رجسٹریشن کے عمل پر روشنی ڈالتے ہوئے بتایا کہ نیشنل پارٹی کے ممبرشپ ڈیٹا کو مزید منظم، شفاف اور جدید خطوط پر استوار کیا جا رہا ہے۔ قیادت نے اس عزم کا اظہار کیا کہ پارٹی کے تمام ریکارڈ کو جدید تقاضوں کے مطابق ڈیجیٹلائز کیا جائے گا تاکہ تنظیمی امور مزید مؤثر اور مربوط انداز میں آگے بڑھ سکیں۔
نیشنل پارٹی کا ریکارڈ جدید خطوط پر ڈیجیٹلائز کرنے کا فیصلہ
