خضدار(این این آئی) سیاسی و سماجی رہنما حاجی غلام حسین کرد، طارق زنگی جو اور عامر غلامانی نے پرنس آغا محمد احمدزئی اور کمشنر قلات ڈویڑن ڈاکٹر طفیل بلوچ سے خضدار میں ایک تقریب کے دوران ملاقات کی۔ ملاقات کے دوران قبائلی معاملات، روایتی تنازعات کی حل اور قبائلی نظام کی اصلاح پر تفصیلی گفتگو کی گئی۔ رہنماؤں نے کہاکہ پرنس آغا محمد خان احمدزئی کو قبائلی معاملات حل کرنے اور دور اندیشی کی روایات کو ہر سو پھیلانے میں کردار ادا کرسکتے ہیں۔ پرنس نے اس موقع پر کہا کہ قبائلی استحکام بلوچستان کی مجموعی سلامتی کی بنیاد ہے اور وہ قبائلی بزرگوں کے ساتھ مل کر ان مسائل کا حل تلاش کریں گے۔
پرنس محمد احمد زئی کی ایک روزہ دورے پر خضدار آمد
