مستونگ(این این آئی) مستونگ میں نامعلوم مسلح افراد بینک کے عملے کو یرغمال بناکر لاکھوں روپے لوٹ کرفرار ہوگئے۔ پولیس کے مطابق منگل کو مستونگ بازار میں واقع الائیٹڈ بینک میں 6سے 8مسلح افراد داخل ہوئے اور عملے کو یرغمال بناکر بینک سے 15لاکھ60ہزار روپے لوٹ کرفرار ہوگئے۔ ڈکیتی کی واردات کے بعد مستونگ بازار مکمل طورپر بند ہوگیا۔ واقعہ کی اطلاع ملتے ہی پولیس اورسیکورٹی فورسز کی بھاری نفری موقع پر پہنچ گئی اور پورے علاقے کی ناکہ بندی کرکے نامعلوم مسلح افراد کی تلاش شروع کردی۔
مستونگ،نامعلوم مسلح افراد بینک سے 15لاکھ روپے سے زائد کی رقم لوٹ کرفرار
