راحیلہ حمید درانی کو (ن) لیگ خواتین ونگ بلوچستان کی صدر،اختر بی بی کو سیکرٹری جنرل بننے پرمبارکباد دیتے ہیں،ثوبیہ کرن کبزئی

کوئٹہ(این این آئی)مسلم لیگ(ن) کی رہنما و سابق صوبائی وزیر ثوبیہ کرن کبزئی نے کہا ہے کہ صوبائی وزیر تعلیم راحیلہ حمید درانی کو مسلم لیگ(ن) خواتین ونگ بلوچستان کی صدراوراختر بی بی کو جنرل سیکرٹری بننے پرمبارکباد دیتے ہوئے کہا ہے کہ انکی قیادت میں مسلم لیگ(ن) بلوچستان میں مزید فعال اور منظم ہوگی۔یہاں جاری ہونے والے ایک بیان میں ثوبیہ کرن کبزئی نے کہا کہ صوبائی وزیر تعلیم راحیلہ حمید درانی کا شمار مسلم لیگ(ن) کے دیرینہ ساتھیوں میں ہوتا ہے جنہوں نے ہمیشہ صوبے میں مسلم لیگ(ن) کو فعال بنانے میں اپنا کردارادا کیا ہے۔ انہوں نے کہا کہ راحیلہ حمید درانی کو مسلم لیگ(ن) خواتین ونگ کا صدراوراختر بی بی کو جنرل سیکرٹری نامزد ہونے پر مبارکباد پیش کرتے ہوئے اپنے ہرممکن تعاون کا یقین دلایا۔انہوں نے کہا کہ راحیلہ حمید درانی اور اختر بی بی مسلم لیگ(ن) کو صوبے میں مزید فعال اور منظم بنائیں گی اورپارٹی قائد میاں محمدنواز شریف،وزیراعظم پاکستان میاں محمد شہباز شریف اور مریم نواز کے پیغام کو گھر گھر پہنچائیں گی۔