وزیر اعلیٰ بلوچستان سے چیئرمین رویت ہلال کمیٹی پاکستان مولانا عبدالخبیر آزاد کی ملاقات

کوئٹہ(این این آئی)وزیر اعلیٰ بلوچستان میر سرفراز بگٹی سے جمعرات کو یہاں چیئرمین رویت ہلال کمیٹی پاکستان مولانا عبدالخبیر آزاد نے ملاقات کی جس میں باہمی دلچسپی کے امور، مذہبی ہم آہنگی، امن و بھائی چارے کے فروغ اور صوبے میں علماء کے مثبت کردار پر تبادلہ خیال کیا گیا وزیر اعلیٰ بلوچستان میر سرفراز بگٹی نے مولانا عبدالخبیر آزاد کی ملک میں مذہبی رواداری اور اتحادِ بین المسلمین کے فروغ کے لیے خدمات کو سراہا اس موقع پر مولانا عبدالخبیر آزاد نے وزیر اعلیٰ بلوچستان میر سرفراز بگٹی کی صوبے میں قیامِ امن، ترقیاتی اقدامات اور عوامی فلاح کے لیے جاری کاوشوں کو سراہا چیئرمین رؤتِ ہلال کمیٹی مولانا عبدالخبیر آزاد نے اپنی تصنیف بھی وزیر اعلیٰ بلوچستان میر سرفراز بگٹی کو پیش کی۔