جے یو آئی کوئٹہ کے زیر اہتمام 16 اکتوبر کو یومِ تاسیس اور ڈاکٹر سرفراز خان شہید کی یاد میں پروقار کانفرنس منعقد کی جائے گی حافظ حبیب الرحمن

کوئٹہ(این این آئی)جمعیت طلباء اسلام ضلع کوئٹہ کے صدر حافظ حبیب الرحمن جنرل سیکرٹری حافظ عابد اللّٰہ حنفی سیکرٹری اطلاعات حافظ اکرام اللّٰہ سیکرٹری مالیات حافظ عبد المنتقم کاکڑ حافظ محمد موسیٰ محمد قصیر خان عبدالقاہر رودینی نیک محمد دلی حافظ سعید احمد نیاز محمد ناصر اور قاری محمد عثمان نے اپنے ایک مشترکہ بیان میں کہا کہ یہ سیمینار نوجوانوں کو جمعیت کے بنیادی اغراض و مقاصد سے روشناس کرانے اور ان کے کردار و ذمہ داریوں کو اجاگر کرنے کے لیے منعقد کیا جا رہا ہے انہوں نے کہا کہ جمعیت طلباء اسلام ایک دینی و فکری تحریک ہے جو ملک کے تعلیمی اداروں میں اسلام علم کردار اور اتحاد کا پیغام عام کر رہی ہے ڈاکٹر سرفراز خان شہید کی جدوجہد اور قربانیاں نوجوانوں کے لیے مشعل راہ ہیں اور انہی کے مشن کو آگے بڑھانا ہم سب کی ذمہ داری ہے اس کانفرنس میں تنظیمی لائحہ عمل موجودہ دور کے چیلنجز اور طلباء کے کردار پر روشنی ڈالی جائے گی جمعیت طلباء اسلام اپنے اسلاف کے مشن پر عمل پیرا ہوکر دینِ اسلام کی سربلندی اور طلباء کے حقوق کے تحفظ کے لیے اپنی جدوجہد جاری رکھے گی۔