عوامی فلاح کے منصوبوں میں کسی قسم کی کوتاہی برداشت نہیں کی جائے گی،انجینئر عبدالرحمن کاکڑ

چھتر (این این آئی) صوبائی وزیر ایریگیشن میر محمد صادق عمرانی اور صوبائی وزیر مواصلات و تعمیرات میر سلیم احمد خان کھوسہ کی خصوصی ہدایات کی روشنی میں نصیرآباد میں ترقیاتی منصوبوں پر تیزی سے کام جاری ہے محکمہ مواصلات و تعمیرات نصیرآباد کے زیر انتظام میرحسن تا ڈیرہ مراد جمالی روڈ کی تعمیر زور و شور سے جاری ہے ایکزیکٹیو انجینئر روڈز نصیرآباد عبدالرحمن کاکڑ کی نگرانی میں جاری اس منصوبے کی فیلڈ نگرانی ایس ڈی او نادر علی پنھور، سب انجینئر صابر حسین بھٹو اور سپروائزر لالا زمان انجام دے رہے ہیں۔ تعمیراتی عمل کو معیار اور رفتار کے اعلیٰ معیار پر مکمل کرنے کے لیے ٹیم دن رات سرگرم عمل ہے ایگزیکٹو انجینئر عبدالرحمن کاکڑ نے میڈیا سے گفتگو کرتے ہوئے کہا کہ صوبائی قیادت کی واضح ہدایات ہیں کہ عوامی فلاح کے منصوبوں میں کسی قسم کی کوتاہی برداشت نہیں کی جائے گی۔ میرحسن تا ڈیرہ مراد جمالی روڈ منصوبہ عوامی سہولت اور ترقی کا ضامن ہے ہم معیار پر کوئی سمجھوتہ نہیں کریں گے اور منصوبہ مقررہ وقت میں مکمل کیا جائے گا انہوں نے مزید کہا کہ سڑک کی تعمیر سے شہریوں اور دیہی آبادی کے درمیان آمدورفت میں آسانی پیدا ہوگی، جبکہ مقامی سطح پر تجارتی سرگرمیوں کو بھی فروغ ملے گا عوامی و سماجی حلقوں نے تعمیراتی منصوبے پر اطمینان کا اظہار کرتے ہوئے حکومتِ بلوچستان اور محکمہ سی اینڈ ڈبلیو کے اقدامات کو سراہا اور توقع ظاہر کی کہ منصوبے کی بروقت تکمیل سے علاقے میں ترقی و خوشحالی کے نئے دروازے کھلیں گے۔